Тема: Професиі

Дротар

Ходил дротар од хыжы до хыжы,

Горці дротувати,

Велькы, малы дротувал,

Курил файку і сплювал,

За роботу пінязі казал сой давати.

Ходил дротар од села до села,

Горці дротувати.

Палицьом ся підперал,

За дівчатми мозерал,

Кричал „горці дротувац”,

Часом собі співал.

Течут горці і велькы і малы,

Горці дротуваны.

Не смутте ся дівчата,

Же вам течут горнята,

Дідо дротар здротує,

А і пожартує.

Ходил дротар по горах стежками,

Горці дротувати.

З боку носил торбину,

Звиток дроту, мериндю,

На ногах онучы кєрпці,

Дуган в табакєрці.

Ходил дротар з Білой, Чорной Воды,

Горці дротувати.

Велькы, малы дротувал,

Курил файку і сплювал,

За роботу пінязі казал сой давати.

Ходил дротар од села до села.

Павел Стефановскій

Тяжка задача

– Витай Петре! 

– Як ся маш Ваню!

– Што нове?

– Нич інтересуючого, мам біду. Мушу написати працу о своій будучности.

– То хыбаль не єст тяжка тема?

– Як для кого. Я іщы не знам кым хочу быти.

– А де робит твій няньо?

– Єст ґаздом, але я думам, же найліпше єст быти шофером. Претіж каждий любит іздити.

– Што ты? Дохторе і адукати мают векший заробок як шоферы.

– Найважнійше єст, жебы любити свою роботу.

– Жебы мати добру професию, треба ся вчыти.

– Знам. Іду писати тоту працу. Напишу, же хочу быти ветеринарьом.

– Файна професия, як ся любит звірята.

– Я барз любю. До стрічы!

– До стрічы!

Професиі:

адукат – adwokat

актор – aktor

архітект – architekt

аптыкар – aptekarz

бача – baca

бляхар – blacharz

хірурґ – chirurg

зубний дохтор, дентиста – stomatolog

дохтор, лікар – doktor, lekarz

журналіста – dziennikarz

фотоґраф – fotograf

фризєр – fryzjer

угльокоп – górnik

ґрафік – grafik

гыдраулик – hydraulik

інформатык – informatyk

кельнер – kelner

шофер – kierowca

кєрівник – kierownik

косметычка – kosmetyczka

коваль – kowal

кравец – krawiec

годинар – zegarmistrz

інжынір – inżynier

книговод – księgowy

священник, єґомосьць – ksiądz

кухар – kucharz

лісничий – leśniczy

листонош – listonosz

маляр – malarz

моряк – marynarz

мурар – murarz

учытель – nauczyciel

загородник – ogrodnik

пастух – pasterz

пекар – piekarz

медсестра – pielęgniarka

писатель – pisarz

поліциянт – policjant

юриста – prawnik

рільник, ґазда – rolnik

різник – rzeźnik

секретарка – sekretarka

прятачка – sprzątaczka

продавец – sprzedawca

стражак – strażak

шевц – szewc

вояк – żołnierz

золотник – złotnik

Задачы:

I. Послухай співанку „Дротар” і навчый ся єй слів на памят.

II. В пусты поля встав одповідні слова:

Моя двоюрідна сестра єст ……………………… і робит в шпытали в Ліґници. Барз любит свою роботу, не так як мій нонашко Семан, котрий єст …………………………... Нонашко бесідує, же його робота єст барз тяжка прото, же од долгого ізджыня болят го ногы і голова. Я в будучности буду……………………, бо барз люблю варити і істи. Моій мамі ся тото не подабат, бо все хтіла, жебы-м был ………………………... Моя сестра Афія вчыт ся іщы в гандльовым технікум, в будучности хоче быти …………………….. Стрыко Михал хтіл бы, жебы-м был…………………………., лем втовды перепише мі свою ґаздівку. Сам уж не знам, што даколи буду робил. На щестя мам кус часу, жебы тото передумати.

Слова до вставіня: ґаздом, шофером, медсестром, продавчыньом, учытельом, кухарьом.

III. Розвяж крижівку:

1.     Лічыт іх дентиста.

2.     Працує в суді.

3.     В часі роботы ходит по лісах.

4.     Провадит книгы в урядах.

5.     Пише книжкы.

6.     Помагат директорам, презесам.

7.     Дбат про порядок.

8.     Вчыт в школі.

9.     Дбат про гардий выгляд дівчат, жен.

10.  Знає вымурувати хыжу.

11.  Боре ся на войні.

12.  Грат в театрі.

13.  Доносит нам ідло в корчмі.

14.  Інакше єґомосьць.