Тема: Дівка красавиця. Зовнішній выгляд

Дівка красавиця

(Гумореска)

Наша дівка красавиця

Бы ся выдавала,

Лем же собі кус за долго

Мужа выберала.

Она собі выберала

Хлопця молодого

І жебы він лем єй любил

І більше никого.

І жебы был урядником

І то з медалями,

А кышені мал выпханы

Злотом, дулярами.

Вшыткы хлопці ішли до нєй

О руку просити,

Бо ся вшыткым подабала –

Ішли ся женити.

Лем же она, парадниця,

Дуже выберала,

Котры до нєй приходили,

Гарбуза давала.

І так собі выберала,

Вшыткым доґаняла,

І не было в селі хлопця,

Жебы го выбрала.

Бо єден был за великій,

А другій за малий,

На голові мал лысину,

За мужа не здалий.

Третій не мал уж лысины,

Лем волосы густы,

Нич не робил, в корчмі сідил,

А кышені пусты.

Четвертого не любила,

Бо любил палінку –

Най він собі інчу глядат,

Не мене за жінку.

І не могла сой выбрати,

А рокы миняли.

Хлопці уж ей не любили,

Бо єй за нич мали.

Нихто до нєй уж не ходил,

Хлопці не хотіли,

Бо уж нашій красавици

Волосы сивіли.

Так перешол рік за роком,

Аж настала біда,

Же уж в кінци ся выдала

За старого діда.

Миколай Буряк

худий, тонкій – chudy

блідий – blady 

близна – blizna

борода – broda 

бырви (крячасты) – brwi (krzaczaste)

брыдкій – brzydki 

будова тіла – budowa ciała 

фізычна будова – budowa fizyczna

быти подібным – być podobnym 

блищачы очы – błyszczące oczy

характерны приметы – cechy charakterystyczne 

особливы приметы – cechy szczególne

цера, скора на лици – cera 

хід – chód  

темна скора – ciemna karnacja 

темне волося – ciemne włosy 

тонкє волося – cienkie włosy

густе волося – gęste włosy

деликатна скора – delikatna karnacja 

добра фіґура – dobra figura  

діркы, ямкы – dołeczki

великій – duży 

долгє волося – długie włosy 

фарблене волося –  farbowane włosy 

груб волося – grube włosy 

грубий – gruby

гривка – grzywka 

ясна скора – jasna karnacja

ясне волося – jasne włosy 

кучеряве волося - kręconе 

набитий, присадкуватий – krępy 

пырщы – krosty 

короткє волося – krótkie włosy

кривы ногы – krzywe nogi 

кривы плечы – krzywe plecy 

кривий усміх – krzywy uśmiech

кривы зубы – krzywy zgryz  

квадратова твар/ лице – kwadratowa twarz

морщыти бырви – marszczyć brwi

малий – mały    

молодий – młody 

невисокій – niewysoki 

ніс – nos 

задертий ніс – zadarty nos   

оголений – ogolony  

округла твар – okrągła twarz

смаглий – opalony 

груб/ спасений – otyły   

пестрак – pieg

поприк – pieprzyk  

потягла твар – pociągła twarz  

пристійний – przystojny   

рыже волося – rude włosy

обырва – rzęsа 

середнього роста – średniego wzrostu

середньой долгости, по рамено – średniej długości, do ramion  

старий – stary 

старіти ся – starzeć się  

щуплий – szczupły   

тугій – tęgi     

твар – twarz 

грубнути – tyć 

усміхати ся – uśmiechać się   

куліти, ґанчувати на ногу – utykać 

коса – warkocz 

баюсы – wąsy 

выглядати – wyglądać 

добрі выглядати – wyglądać dobrze     

высокій – wysoki

высокє/ низкє чело – wysokie/ niskie czoło 

выспортуваний – wysportowany 

волося – włosy  

позерати – zerkać 

зызий – zezowaty

зморщка – zmarszczka  

знамя – znamię 

гарда/ красна – ładna 

лысий – łysy

стрямбате волося – postrzępione włosy

рябата твар – pryszczata twarz

ґанчувати – mieć wadę

горбатий – garbaty

пелехатe – puszyste

Задачы:

I. Навчый ся верша Дівка красавиця на памят.

II. Напиш зовнішню характеристыку даякой знаной персоны.