Тема: Церковны і домашні свята. Місценазывник
свята – święta:
Новий Рік – Nowy Rok
Йордан – Богоявліня Господнє – Chrzest Chrystusa, Objawienie Pańskie
Грімниці – Стрітеніє Господнє – Spotkanie Pańskie
Великій Піст – Федорівка - Wielki Post
Благовіщыня Пресвятой Дівы Мариі – Zwiastowanie Najświętszej Marii Panny
Квітна неділя – Вхід Господній до Єруслиму – Niedziela palmowa
Великден – Воскресеніє Христове – Wielkanoc
Вознесеніє Христове – Wniebowstąpienie Pańskie
Русаля – Пресвятой Тройцi, Сошествіє Святого Духа – Zielone Świątki, Zesłanie Ducha Świętego
Родество св. Йоана Хрестителя – Купала – Noc Świętojańska
Петрівка – post przed Świętem Apostołów Piotra i Pawła
Первоверховных Апостолів Петра і Павла – Święto Apostołów Piotra i Pawła
Преображыня Господнє – Спасa – Przemienienie Pańskie
Успіня Пресвятой Богородиці – Матка Біжа – Zaśnięcie Najświętszej Marii Panny
Усікненя Главы Іоана Хрестителя – Главосікы – Odcięcie Głowy św. Jana Chrzciciela
Pождество Пресвятой Богородиці – Narodzenie Najświętszej Marii Panny
Воздвижыня Kрeста Господнього – Здвига – Podwyższenie Krzyża Pańskiego
Покров Пресвятой Богородиці – Opieki Przenajświętszej Bogurodzicy
Введіня до Храму Пресвятой Богородиці – Wprowadzenie do Świątyni Przenajświętszej Bogurodzicy.
Святого Миколая Чудотворця – św. Mikołaja
Филипівка – Adwent
Рождество Христове – Boże Narodzenie
Маланка – sylwester
Мясниці – karnawał
Пущаня – ostatki
ден народжыня – urodziny
ден нашого покровителя – імянини – imieniny
oбрядовы родинны свята – rodzinne święta obrzędowe
xрестины – chrzciny
весіля – wesele
похорон – pogrzeb
(...) Не трудно спостеречы, што свята увічнюючы пару найчастійше повтаряючых ся покровительств лемківскых церкви припадают за літурґічным календарьом в барз зближеным часі. За порядком згідным зо ступіню популярности терміны окремых свят припадают: свято Архистратига Михаіла – 8 ХІ (21 ХІ), Димитрия – 26 Х (8 ХІ), Космы і Даміана – 1 ХІ (14 ХІ), Покровы Б. М. – 1Х (14 Х), Рождества Б. М. – 8 ІХ (21 ІХ), Параскєвіі – 14 Х (27 Х), Успіня Б. М. – 15 VIII (28 VIII). (В скобках подано одповідникы термінів в григорияньскым календарі). Як видно, вшыткы тоты даты припадают на осінний період. На Лемковині в дни свята покровителя уряджано в парафіі кєрмеш. Былo то шторічнe великє торжество, на котре прошено гости з околичных сел, оддавано гідну чест святому покровительови, а пак гойні святкувано. В святі тым находили ся тіж дожынковы елементы. Кажда парафія хтіла мати тото шторічне свято в часі як найбарже догідным, то єст уж по закінчыню основных польовых прац, а перед филипівком (Різдвяным постом). Одтале тіж найбільшу популярніст мали тоты покровительства, котрых выбраня запевнювало кєрмеш в часі найбарже догідным, нп. Св. Миколай, так преці популярний на Руси, барз рідко покровителювал лемківскым парафіям. (...)
Олена Дуць-Файфер, Культ і іконоґрафія Св. Димитрия Солуньского на Лемковині, „Бесіда”, нр. 1 (64), Крениця–Ліґниця 2002, с. 9.
Місценазывник
Част мовы, котрой значыньом єст вказаня на предмет або примету з пункту виджыня бесідуючого і даной бесіды.
Місценазывникы ділиме на:
– особовы: я, ты, він, она, оно, мы, вы, они
– вертаны: себе, собі, си
– присвійны: мій, твій, свій, наш, ваш, іх
– вказуючы: тот, сес, тівко, тильо
– звідуючы: хто? што? якій? котрий? чый?
– односны: хто, што, якій, котрий, чый
– вызначены: каждий, сам, самий, інший, вшыток, тот сам, тот же
– невызначены: хтоси, штоси, котрысий, якысий, хоц-хто, хоц-якій, хоц-котрий, даякій, деякій
– одрікаючы: нихто, нич, ниякій, ничый, никотрий
Задачы:
I. Навчый ся чытати поданий горі текст.
II. Выпиш з поданого горі тексту по 3 познаны уж части мовы.
III. Оповідж о своім улюбленым святі.