Тема: Порядковы чысловникы. Ідло, стравы – дальша част
перший, перша, перше, першы
другій, друга, друге, другы
третій, третя, третє, треті
четвертий...
пятий...
шестий...
семий...
осмий...
девятий...
десятий...
єденадцетий...
дванадцетий...
тринадцетий...
штырнадцетий
пятнадцетий...
шістнадцетий...
сімнадцетий...
вісемнадцетий/ осемнадцетий...
девятнадцетий...
двадцетий...
двадцет перший ітд.
тридцетий...
сороковий/ чотырдесятий...
пятдесятий...
шісдесятий...
сімдесятий...
вісемдесятий...
девятдесятий...
сотний...
двосотний...
тисячний...
двотисячы...
милийоновий...
милиярдовий...
билийоновий...
билиярдовий...
Одміна порядковых чысловників:
Н. перший перша перше першы
Р. першого першой першого першых
Д. першому першій першому першым
В. перший, першого першу перше першы
Т. першым першом першым першыма
М. першым першій першым першых
К. перший перша перше першы
Н. другій друга друге другы
Р. другого другой другого другых
Д. другому другій другому другым
В. другій, другого другу друге другы
Т. другым другом другым другыма
М. другым другій другым другых
К. другій друга друге другы
Н. третій третя третє треті
Р. третього третьой третього третіх
Д. третьому третій третьому третім
В. третій, третього тертю третє треті
Т. третім третьом третім третіма
М. третім третій третім третіх
К. третій тертя третій треті
Н. пятнадцетий пятнадцета пятнадцете пятнадцеты
Р. пятнадцетого пятнадцетой пятнадцетого пятнадцетых
Д. пятнадцетому пятнадцетій пятнадцетому пятнадцетым
В. пятнадцетий, пятнадцетого пятнадцету пятнадцете пятнадцеты
Т. пятнадцетым пятнадцетом пятнадцетым пятнадцетыма
М. пятнадцетым пятнадцетій пятнадцетым пятнадцетых
К. пятнадцетий пятнадцета пятнадцете пятнадцеты
Н. сімсотний сімсотна сімсотне сімсотны
Р. сімсотного сімсотной сімсотного сімсотных
Д. сімсотному сімсотній сімсотному сімсотным
В. сімсотний, сімсотного сімсотну сімсотне сімсотны
Т. сімсотным сімсотном сімсотным сімсотныма
М. сімсотным сімсотній сімсотным сімсотных
К. сімсотний сімсотна сімсотне сімсотны
Н. тисячний тисячна тисячне тисячны
Р. тисячного тисячной тисячного тисячных
Д. тисячному тисячній тисячному тисячным
В. тисячний, тисячного тисячну тисячне тисячны
Т. тисячным тисячном тисячным тисячныма
М. тисячным тисячній тисячным тисячных
К. тисячний тисячна тисячне тисячны
Тыпове лемківскє ідло:
Рецептура на кєселицю
До літра теплой воды дати заквас (з тіста пришыкуваного на хліб) або дріжджы і літру вівсяной мукы. Добрі вымішати і одставити в тепле місце, жебы выросло. Найліпше розчын зробити вечером. Доляти до него дві літры теплой воды, розмішати і прецідити през друшляк, жебы одцідити решткы зерна, коли была додавана вівсяна мука. Потім поставити на огни, жебы ся заварило, лем треба пильнувати, жебы недолго, бо як будеме варити кєселицю за долго, зробит ся рідка. Доправити до смаку сілю і попрьом. Подавати з комперями або хлібом.
Рецептура на хлібову поливку
Печений дома хліб, котрий ма уж пару дни, покроіти в костку і шмарити до мискы. Додати попер і дрібно покраяний чеснок. Заляти завареном і посоленом водом. Додати підсмажену на олію цибулю.
Рецептура на мачанку
Заварити молоко і посолити. На кыпяче молоко сыпати по кусцьок мукы, фурт мішаючы. Сыпати тівко мукы, жебы мачанка была густа. Мачанку класти на талірчыкы і подавати з омастом. Може то быти підсмажена на маслі цибуля. Подавати з хлібом.
Рецептутра на комперянку
Оскрептати компері і покраяти в костку. Спарити горячом водом. Одцідити. Всипати до горця, заляти студеном водом, посолити, додати пару зеренец попрю, петрушку, морков, цибулю і варити аж будут мягкы. Осібно підсмажыти кус масла (може быти солонина), додати пару лыжок мукы і мішати закля ся не позолотят. Додати кус комперяного вывару і добрі вымішати. Пак вляти до воды з яринами. Лишыти през хвилю на блясі, най ся іщы разом поварит.
Задачы:
I. До одміны выбраного порядкового чысловника допиш назывник і го одмін з чысловником.
II. Прочытай рецептуры на тыповы лемківскы стравы і спрібуй прирыхтувати єдну з них.
Одпoвіди до задач з лекций 52 i 53:
мята:
завороты
блюваня
нетровіня
корч жолудка
маєран:
боль головы
натха
заворот
болячий бріх
гук в ухах
і фертик
тугу розбивати
так єм забанувала, же-м забанувала
стратити гонір, як злотий піняз
стратити до чыста
ворог смертельний
документні забрати
публику зробити
выставити на стыд
вказати очы на світ
вийти медже люди
чесати языкы на кымси
брехати з чыісым ворогом
значыти перед кымси
мати свій гонір
біль, туга втихне на серци
най Бог заварує
збиткувати ся над кымси/ чымси
боскє сотворіня
серце лойом заросло
вжерта як
маньора
промымрати під носом
дрібна і прудка як мотовило
голосиста
куфа
земличка ся під кымси погынат
легка і шварна як серна
як шалена коза на припоні
незґрабна як старий медвід в берлозі
выдусити даякє слово
на язык тупа
сыпати як з машынґвера
долон свербіла на...
занюхати, же ту непек...
втечы як заметена
мати в серци окрутну ід
быти на смітю в когоси
неє што повідати
ґанчувати на...
як корова оґоном змела
пропасти за кымси
сплюнути в чыісий бік
приперти когоси
дых заперло
знати мудры параґрафы
мочы і реґіментом командувати
як звалена колода покотити ся
знати з кым собі зачынати
знати ся на высокых ґешефтах
рушыти языком
не дати слова прогварити
штрикнути в серци
пришла криска на Матиска
гет пересварити когоси
стояти як дурна уця
піддурювати когоси
сховати ся як побитий пес
каждий пес на мене гавкне
назывник: кума, пліт, мотовило
придавник: груба, рябата, добрий
чысловник: пят, другого, першого
часослово: гавкне, повідат, послухал
місценазывник: мя, мене, ій
присловник: документні, гречні, задоволено
приназывник: пред, під, на
злучник: і, а, бо
частка: як, лем, же
выкричник: тр-рах-шах-чах-чах